राधा....
यमुना तीरी आली राधा
तिचा काय रे कसुर
बोलावतो पुन्हा तिला
तुझ्या बासुरीचा सूर
कसे सांगावे सावळ्या
मन कसे अडकते
राधा तुझ्याच अंतरी
सांग कशी सामावते
प्रेम म्हणू तरी कसे
जे ना कधी गोंजारिले
सावळ्याची झाली राधा
तरी श्वास अंतरिले
नवीन भेट
तुझा स्पर्श ओळखीचा आज भासे अनोळखी रोजचाच तु परी वागणे अनोळखी सारे जुनेच माझ्या पाशी तु मात्र आज नव्याने भेटसी बोलक्या रूपात तुझ्या हरवले शब्द माझे सांगावयाचे आहे आणखी काय तुझे भाव तुझ्या मनीचे तरी पोहचले मजपाशी कळून चुकले माझे मला माझ्या मना सम वागणे तुझे क्षणीक होते भास सारे विरती दिवसात काजवे जसे न मैत्री न प्रेम तुझे उरले शुन्य मजपाशी प्रिती नारायण रश्मी सागवेकर
Comments
Post a Comment